بسم الله الرحمن الرحيم
أيهاااااااااا السااااااااااادة
بعد انقضاء كؤوس الأمم لأعوام 98 ، 2006 ، 2008 ، 2010 وبعد فوز المنتخب المصرى بهم بعد التألق حاجة ثابته بتحصل وهى مكررة صورة طبق الأصل كل بطولة .
* نسمع عن عقود احتراف للاعبين اشى فى انجلترا واشى فى أسبانيا واشى واشى واشى ... وبعد كده كل الكلاااااااااام دا يصبح فى خبر كان ( وكان بالمناسبة فعل ماضى سيبه فى حاله ) .
*السؤاااااااال :
س : أليس من الطبيعى والبديهي أن المنتخب بطل أفريقيا يجب أن يتمتع لاعبوه بعقود خارجية محترمة لكل اللاعبين أو أغلبهم على أقل تقدير ؟
*** وطبعاااااااا الكلاااااااام دا ما حصلش ولا هيحصل السنة دى كمان على ما أعتقد ... بمعنى إنه بعد الحصول على الكان هذا العام وبجدارة متناهية أخرتها 2أو3 هم اللى هيحترفوا وبس .
أسباب عدم التوفيق للاعبينا المحترفين :
فى البداية علشان نقول مين عندنا احترف فعلا نقول هاني رمزى وعبدالظاهر السقا وأحمد حسن ويمكن ميدو ...بس كده على ما أعتقد أما الباقى يا اما شوية وفلس يا اما قاعد بيخبط يا اما بيلعب فى دولة عربية شقيقة ومع كامل احترامى ... دا مش احتراف ( والدليل حسني عبد ربه )
إذن ما هى الأسباب :
فى وجهة نظرى الأسباب الآتية :
1-السبب الأول : الروح المصرية التى نرجع إليها الفضل من بعد الله عز وجل فى الانتصاراااااااات هي نفسها سبب فى فشل الاحتراف ؟؟؟؟ كيف ذلك ؟
* أتصور ان الجماعة الأوربيين فاهمين الحتة دى كويس فاهمين ان كثير من الاداء الهايل للاعب المصري يعود إلى الروح وهم ما يهمهومش دا..اللى يهمهم لا عب كويس المال بالنسبة له حاجة غالية جدا يدفعولوا كويس ويشتروه ( بمعنى الكلمة ) ويصبح المال هو المعوض الأساسي للروح بمعنى أدق انهم بيشتروا اللاعب ومهارته وروحه بالفلوس .
* نطبق الكلااااااااام دا على اللاعب المصري تجد أن الروح التى يلعب بها هي من قبيل الانتماء والحب ( لوجه الله ) سواء فى المنتخب أو النادي يعنى ما حدش يشتري روحه بالفلوس ( ودى حاجة كويسة جدا على فكرة ) .
2- السب الثاني : عندما يتفوق المصريون بيكون معدل أعمارهم كبير ، يعنى لو هنتكلم النهااااااااارده عن ( جدووووو ) بمنطق الكرة الأوربية أو بصفة عامة اللاعب أبو 27 سنة دا كبير وبالتالي تتضاءل فرص المصريين لأن متوسط أعمارهم بيلعب فى المنطقة .
3- السبب الثالث : العادات والتقاليد المصرية المغلفة بالواااااااازع الدينى والأخلاااااااقيات ، بمعنى أن أوربا مختلفة عنا تماما فى حاجات كتير جدا وعلشان واحد يتأقلم معاها بسرعة لازم يبقى مناضل جامد جدا ضد الفساد الأخلاقي الذي يخيم على أوربا، أو انه يتنازل ( ويخليها خل ) ... وعشان كده اللاعب ما بيستحملش .
ملااااااااحظة هامة : بعض اللاعبين من دول مش بعيدة عننا ( من غير ذكر أسماء ) علشان ممكن يتنازلوا فبينجحوا فى أوربا ... فاكرين اللاعب اللى من حوالى 3 شهور قال فى تصريحاته إنه ما بيقدرش يصوم رمضان علشان التدريبات ... لو لاعب مصرى مكانه حتى لو ما كنش بيصوم فعلااااااا عمره ما يقدر يقول الكلام دا لكن غيرنا بيقدر .
4 - السبب الرابع : حتى لما بتيجى الفرصة لولد صغير الأندية بتاعته بتعيش الدور على الاخر وتقعد تقول ( أصل النادى اللى كبره والنادى اللى ربربه والنادى اللى سمنه وكلام مالوش ريحة اللزوم ) والنتيجة انها بتضيع الفرصة على الواد الغلبان يا عينى .
الخلااااااااااصة
يا ريت لو فيه ولد مواصفاته كالأتى :
صغير فى السن - شخصيته قوية - صلب ويتحمل العناء - على قدر من التدين - موهوب بالتأكيد
ارموه فى الناااااااار ... قصدى فى أوربا وهو هيفوووووووت فى الحديد
بـــإذن الله
وكله على الله
هانى البااااااااااسل
للمزيد من مواضيعي