شيماء طالبة الطلاق من محمد ثـــــــانى مشكلة معنــــا ف برنامج { قلبى وعقلى معاك} بتاريخ 5/2/2012..::

careless.whisper · #1 (**permalink**) 05-02-2012, 02:47 PM

--

عنوان القصة :

جوزي انا مش مالية عينه

تمثيل الادوار :

محمد رجائي:الزوج
شيماء كول:الزوجة
اسراء:الابنة 7 شهور

احداث القصة :

بدأت قصتي لما كان عندي 22 سنة واتخطبت
لانسان انا ما لحئتش اعرفه عشان اعرف
هو كويس ولا لأ مع ان فترة خطوبتنا كانت طويلة
وكنش ف خروجات حتى ولو مع اهلى
لانه ف مدينة تانية

اتجوزنا وعشنا حياتنا زي اي اتنين متجوزين بس ف الغربة
بعيد عن اهلى
لحد ما ربنا رزقنا بإسراء بنوتة عسل اوي
عندها 7 شهور..
وبعدها بدأت تظهر المشاكل بيننا كالاتي :

شيماء : محمد انا عايزة اخرج .. مخنوقة !
محمد : عنيا ليكي اخرجك حاضر .. اجهزي انتي بس ..
( خرجنا .. عزمني ع العشا ..)

شيماء : ايه يا محمد مالك ؟

محمد : مفيش حاجة يا بنتي مالي ما انا كويس اهو

شيماء : حاساك مش مركز معايا اساسا
وعنيك هنا وهناك ومش بتبصلي حتى ..
محمد : وانا اقدر بردوا ؟ دا انا بدور ع الجرسون

شيماء : طيب يا محمد براحتك
محمد : مالك عايزة تتخانقي ولا ايه ؟

شيماء : اه بئا ما انت عينك رايحة جاية ع البنات
وانا قدامك عيني عينك كدا
محمد : طب يلا قومي سديتي نفسي

( روحنا البيت .. )

وكان طول الاسبوع يخرج لوحده
وانا افضل اكل واهري ف نفسي لانه دلوقتي طبعا
واخد راحته ومحدش هينكد عليه

-

الاسبوع اللي بعده -

محمد : شيماء يلا يا حبيبتي قومي نروح المول
عايز اجيب لبس جديد للشغل
شيماء : مش عايزة اخرج ياحبيبي
محمد : طب بس قومي هتنبسطي والله اومال مين هيختارلي
انا بحب زوقك اوي
شيماء : طيب

( روحنا المول .. وما ادراك ما المول والحريم هناك ..
لفينا لفتنا ف المول واعدنا ف كافية شوية )

محمد : ما اتكلمتيش يعني من ساعة ما خرجنا
شيماء : هقول ايه . لا اله الا الله
محمد : محمد رسول الله

شيماء : محمد انت ليه بتعمل كدا معايا انا
مفيش حاجة تتعمل وما عملتهاش قول لو انا
مقصرة معاك وانا اصلح من نفسي
انا بجد تعبت نفسيا وانت مش حاسس بيا
وبترجع تقول عليا نكدية

محمد : ايه يا شيماء مالك ؟؟ انا مالي بعملك ايه ؟
شيماء : يعني مش عارف يا محمد بجد حرام عليك بئا
انت تعبتني

محمد : انتي اللي معندكيش ثقة ف نفسك
ودايما حاسة اني ببص لغيرك يابنتى انا بحبك
شيماء : انا مش حاسة انا شايفة بعنيا يا محمد
محمد : قلبتيها نكد ؟ طب يلا نروح على البيت وكفاية
نكد انا مش ناقص كل شوية نكد وغم دى حاجة تأرف بقى

( روحنا البيت .. )

واستمر بينا الحال كدا كل خروج
لحد ما كرهت اخرج معاه وهو كره يخرج معايا

ولما كيلي طفح بئيت بخرج لوحدي

كان ليا خالتي في نفس البلد اللي كنت عايشة فيها

بس بعيد عن بيتي .. انا مكنتش راضية عن خروجي لوحدي
بس اعمل ايه مش قادرة استحمل البيت ولا خنقته

وف يوم من الايام :

محمد : البسي ولبسي اسراء عشان هنخرج
شيماء : مش خارجة
محمد : انا قلت البسي ومش هكررها
شيماء : وانا قلت مش خارجة معاك يا محمد
محمد : انتي بتستهبلي ولا ايه ؟ وبعدين ايه الاسلوب
بتاعك ده انا حتحايل عليكي ولا ايه

شيماء : انا عارفة انا بقول ايه كويس
محمد : شيماء اخزي الشيطان وقومي
شيماء : لا يا محمد اسراء تعبانة ومش هخرج
محمد : انا مش عارف انتي عايزة ايه مني
دى عيشة بقت مرار وتأرف

شيماء : طلقني

محمد : انتي اتجننتي ولا ايه ؟ طلاق ايه ؟
شيماء : اه طلقني مش قادرة اعيش معاك اكتر من كدا
محمد : يعني نكدية ومجنونة كمان ؟

انتي اللي بئيتي لا تحتملي انا بئيت بكره الخروج معاك كرهتينى فى البيت
مش بطيق اقعد فيه دقيقة واحدة كل شوية نكد وغم
وعكننة استغفر الله العظيم انا طالع اغور من النكد دا

( وسابني وخرج وأنا بهري فى نفسى ولما رجع )
لقاني نايمة وبعيط صحاني واتكلم معايا

محمد : حبيبي انا اسف مكنش قصدي اقولك الكلام دا
شيماء : لو سمحت سيبني دلوقتي
محمد : شيماء ما تزعليش مني انا مش عايز اخسرك
لاي سبب انا بحبك ووعد مني اني هتغير ومش هبص لحد غيرك
انا بحبك انتي ومش ممكن هعمل كدا تاني
شيماء : محمد انا مش زعلانة منك اد ما انا زعلانة علينا
وعلى بنتنا اللي مالهاش ذنب دي
محمد : وانا وعدتك اني الوضع هيتغير وبعدين اعمل ايه
هما اللى بيلفتوا النظر من لبسهم ومشيتهم حاجة صعبة
شيماء : ماشي يا محمد اما نشوف

( ومرت الايام والشهور ... )
وعادت ريما لعادتها القديمة ولا كأنه كان وعدني وعد
وكانت عينه زايغة بردوا

اعمل ايه ؟؟؟
اوصل الموضوع لاهلى واكبر الموضوع

ولا
ارضى بالوضع وهيتغير باذن الله

ولا
ما نخرجش سوا تجنبا للمشاكل

ارجوكوا فيدوني !

مستر هانى الباسل · #2 (**permalink**) 06-02-2012, 07:32 AM

careless.whisper
أخـــــتـــــى الـــــكـــــريـــــمــــ ـة اســــــــراء
دعينى بداية أسجل انبهارى بفكرتك الجااااامدة جدا دى
ثــــانــــيــــا : الــمـــهـــم بـــقـــى
مجرد ان الرجل بيبص ع الستات مش سبب كافى للطلاق
هذه الأمور غالبا ما تستطيع المرأة أن تسيطر عليها وتتحكم فى حلها لأن القلب الأدفىء فى هذه العلاقة الطاهرة النقية
عليكى يا سيدتى أن تعوضيه ما يحس أنه ناقص عندك
ولكن فى الغالب شدة وتزول باءذن الله
وسامحونى دا رأى واحد أعزب وأكيد رأى أخواتنا المتزوجين هيكون أصوب باءذن الله

تحياتى اليكى أختى اســـــراء
الــــبــــاســــل

Ahmed Egy-ElAhly · #3 (**permalink**) 06-02-2012, 12:56 PM

هههههههههههههه جميييييييييييل اوي يا اسراء القصه دي
بس انا شايف ان شيماء هيا غلطانه ونص وتلات تربع كمان

هيا يا أما موسوسه وبتشك في نفسها طول الوقت
يا أما هيا مش بتحبه اصلا وبتحاول تخترع اي مشكله عشان تطلق
اسئليني انا مجرب وحياتك هههههههه والله اعلم طلاقها ده عشانها هيا ولا عشان حد تاني

بس عامتا موضوووووع جميل يا اسراااااااء

Sweet Rose · #4 (**permalink**) 06-02-2012, 10:28 PM

بصى يا حبيبتى .. طالما هو باقى عليكى

حاولى انتى تشوفى ايه اللى بيشده فى اى واحده بره
واعمليهوله انتى .. لان مفيش راجل مبيبصش
شديه انتى ناحيتك .. حاولى تكسبيه وربنا يصلحلك الحال

careless.whisper · #5 (**permalink**) 06-02-2012, 10:36 PM

ملحوظة :

ياجماعه وربنا الزوجة مش نكدية خاااااالص

ولى عودة للمشاركة

محمد رجائى الفره · #6 (**permalink**) 06-02-2012, 11:10 PM

ياريت اسراء الاخت صاحبة المشكلة لو عندها اى ردود تجيبها تبعتهالك ياريت تبعتى ليها

شكرا ليك اسراء

ابو الابطال · #7 (**permalink**) 07-02-2012, 10:03 PM

قصة هايله ورائعة يا اسراء
بس شيماء غلطانة غلطانة
الواحد عاوز يخش البيت يلاقي فيه روح جميلة مش شد وجذب
يخليه يهرب من البيت

star alahly · #8 (**permalink**) 08-02-2012, 12:05 PM

فكره حلوه اووووووى يااسراء

انا شايفه ان الغلط من الاتنين لان بالحوار والتناقش ممكن نحل حاجات كتير

اكيد هو غلط وهى كمان غلط ف الاسلوب

لازم الاتنين يقعدوا ويتكلموا ويتفاهموا لان ف طفله ف النص وهى اكت ر حد هينضر
فلازم يفكروا بعقلانيه

careless.whisper · #9 (**permalink**) 10-02-2012, 08:01 PM

بدايه
اشكر كل من تواجد ف الموضوع
ثانيا
رد من صاحبة المشكلة ع الميل بتقول::
شكرا جدا للي حاول يحل مشكلتى

وشكرا للآرائكم
بس بالطريقة دى مش لاقيلها حل
يعنى محدش ادانى رئيه ف الخيارات اللى حطاها عالاقل
وع فكره ياجماعه انا بجد ف مشكلة بسبب الموضوع دة
ارجو الافادة

careless.whisper · #10 (**permalink**) 10-02-2012, 08:06 PM

بصى ياحبيبه قلبي
انا من رئي ان دوام الحال من المحال
ارضى بالواقـــــــــع
وباذن الله هيتغير
وفهميه اكتر من مرة
انه كما تدين تدان
وزى مانت بتبص ع ناس غيري

مسير برده الناس تبوصلى بنفس النظرات بتاعتك
يمكن دة يحرك فيه الغيرة ناحيتك
ويحاول شوية بشوية يبطلها
والعادة دى سيئة جداااااااا
بتمنى من ربنا ميرزقنيش بانسان عينه زايغه
حتى لو كل البشر كد
بتمنى انى افضل عازبة
ياارب اكون افادتك بحاجة

Ahmed Egy-ElAhly · #11 (**permalink**) 10-02-2012, 08:08 PM

رأي انك تحاولي تغيري من نفسك
وتقربي لجوزك أكتر من كده
وتفوتي تعدي بلاش تمسكي علي كل حاجه تحصل عدي مره واتنين

وابئي فهميه ان الحاجه دي بتضايقني بحنيه
هتلاقيه هوا بئا احسن من الاول
لو قدرتي تعملي ده يبئا انتي فعلا مشكلتك انك مش بتستحملي وبتجيبي كل حاجه علي كرامتك

careless.whisper · #12 (**permalink**) 10-02-2012, 08:18 PM

شكــــــــــــــرا لتواجدك يااحمد
رئيك حلو اوى
وان شاء الله تحاول تعمل بيه يارب
شكرا ياديدو

Ahmed Egy-ElAhly · #13 (**permalink**) 10-02-2012, 08:28 PM

الشكر لله يا اسراء
هيا مش ملزمه الاكيد انها تاخد برأي علي حسب اقتناعها هيا وحسب ماتفكيرها يريحها لان مافيش حد بيعمل حاجه مش مريحاه
وربنا يصلح الاحوال بين المسلمين يارب

ناصرية · #14 (**permalink**) 10-02-2012, 10:01 PM

انا شايفة يا اسراء ان معظم الردود محمله الزوجة المشكلة وكأنها هى اللى بتصنعا
طبعا انا مش عايزة الموضوع يكبر
بس واضح ان العيب موجود فيه ومصمم عليه

مش معقول تكون معاه وكمان يعمل كدة يحترم على الاقل وجودها
على العموم تحاول معاه كمان مرة احتراما للحب اللى بينهم
وتحاول تغير من نفسها
بس طبعا هو كمان لازم يغير نفسه لان هى مش مجبره تعمل كل حاجة وهو زى ما هو
ولو ماحصلش تغير تدخل حد يكون الزوج بيحترمه يمكن الموضوع يتحل
ربنا يهدى كل الازواج

محمد رجائى الفره · #15 (**permalink**) 13-02-2012, 06:57 PM

هو بصراحة اللى انا شايفه من الردود الكل محمل على الزوجة هى طيعا غلاطنة وهو كمان فالغلط مشترك
هى مش قادرة تفهم طبيعة الرجل وهو مش قادر يفهم طبيعة المرأة

اولا هى لازم تجذبه ليها بشتى الطرق بمعنى اصح تشبعه لان الرجل دائما بالمثل العربى كده ( عينه فارغه وميملاش عينة الا التراب )
هو مثل الطفل بجد يحتاج الرعاية نفس اطفالها لانها لو اهملته حيتجن هو داخليا بشوف زوجته نفس امه من غير ما يحس
تخيلى لو عندك طفلين وفرقتى بينهم الطفل الاخر حيعمل ايه لازم تنظرى للنقطة دى لانها مهمة جدا عند الرجل لو اتعاملتى معاه بهذا الشكل حيكون رائع معاك
فى نفس الوقت اقول للراجل بطل بقى وخلى عندك دم واتقى الله فى زوجتك وبيتك وطفلتك ربنا سبحانه وتعالى رزقك بنت وقتح عليك
احمد الله على هذة النعمة لان فى غيرك مش عارف ينجب طفل او بينجب طفل مشوه اللهم احفظنا جميعا يارب
احتضن زوجتك واعتذر ليها وحافظ على بيتك لان الواضح ان زوجتك تريدك وتريد اسرتها او مملكتها خاف الله
اتمنى لكم حياة سعيدة دايما واتمنى ان محدش من العائلة يتدخل فى حل مشاكلكم انتم قادرون على مواجهتها بكل هدوء وتكبير الدماغ لانعطى للامور اكبر من حجمها
وفقكم الله لما يحبه ويرضاه تحياتى
وشكرا ليك اسراء على المجهود الرائع جدا

متواجدة · #16 (**permalink**) 13-02-2012, 09:01 PM

راي في القصه هي حلوة جدا بصراحه

الراجل براي هو الغلطان لان المراة دائما قلبها دليلها

بس المراة هي اللي بيدها الحل لانها دايما الطرف الاقوي

اولا ان محدش يعرف بهذا الموضوع غيرها لان تدخل الاهل بيزود المشكله مش بيحلها

ثانيا لو تركت الوضع علي حاله مش هيتغير والا كان اتغير من زمان

ثالثا خروج كل واحد فيكم لوحده مش هو الحل لانه كلما خرج لوحده هتشتعل النار في قلب الزوجه من الغيرة واول ما يرجع هو هي هتبداء في افتعال خلاف حتي لو مكنتش تقصد

طيب اية الحل

انا هتكلم من وجهة نظري

اولا مفيش زوجه في الدنيا الا وهي تعرف مفاتيح قلب زوجها

تعرف اية اللي يبسطة واية اللي يزعله فاحسن شي انها تعلب في الاشياء اللي يحبها وتعتمد عليها في تلطيف الجو بينهم

ثانيا تحسسه بعدم المبالاة من طرفها وانها صدقت ولو الي حد ما انه ساب العاده السيئة دي

ثالثا تبداء تغير في شكلها وطريقه تصرفها وتشعل الغيرة في قلبة عشان يفضل يفكر فيها علطول

بس لازم تثير غيرتة مش تشعل نار الشك فيها

يعني ممكن تهتم بشكلها زياااااااااااده بدون ما تفضل تساله عن راية وتحاول تعمل علاقات كويسه مع الناس وتخرج من مود البيت والولاد بشكل جزئي

لازم تعزز ثقتها بنفسها وبجمالها لانها لو مكنتش حلوة في نظرة مكنش اتزوجها من البداية

والاهم من ده وده انها تكون متاكده ان وزجها بيحبها هي وبس

والا مكنش اعتذر لها لانه مش كل الرجال بتعتذر ودي صفه كويسة فية

careless.whisper · #17 (**permalink**) 13-02-2012, 09:06 PM


	المشاركة الأصلية كتبت بواسطة ناصرية [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	انا شايفة يا اسراء ان معظم الردود محمله الزوجة المشكلة وكأنها هى اللى بتصنعا تمام صح ياحبيبتى معاكى حق طبعا انا مش عايزة الموضوع يكبر بس واضح ان العيب موجود فيه ومصمم عليه مش معقول تكون معاه وكمان يعمل كدة يحترم على الاقل وجودها على العموم تحاول معاه كمان مرة احتراما للحب اللى بينهم وتحاول تغير من نفسها بس طبعا هو كمان لازم يغير نفسه لان هى مش مجبره تعمل كل حاجة وهو زى ما هو ولو ماحصلش تغير تدخل حد يكون الزوج بيحترمه يمكن الموضوع يتحل ربنا يهدى كل الازواج

عين العقل والله ياشيماء ياحبيبتى
اكيد هى شايفه رئيك الجميل دة
وهتشوف انهى الانسب ليها
ربنا يخليكى ياحبيبه قلبي يارب
ويكملك بعقلك

careless.whisper · #18 (**permalink**) 13-02-2012, 09:10 PM


	المشاركة الأصلية كتبت بواسطة محمد رجائى الفره [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هو بصراحة اللى انا شايفه من الردود الكل محمل على الزوجة هى طيعا غلاطنة وهو كمان فالغلط مشترك هى مش قادرة تفهم طبيعة الرجل وهو مش قادر يفهم طبيعة المرأة اولا هى لازم تجذبه ليها بشتى الطرق بمعنى اصح تشبعه لان الرجل دائما بالمثل العربى كده ( عينه فارغه وميملاش عينة الا التراب ) هو مثل الطفل بجد يحتاج الرعاية نفس اطفالها لانها لو اهملته حيتجن هو داخليا بشوف زوجته نفس امه من غير ما يحس تخيلى لو عندك طفلين وفرقتى بينهم الطفل الاخر حيعمل ايه لازم تنظرى للنقطة دى لانها مهمة جدا عند الرجل لو اتعاملتى معاه بهذا الشكل حيكون رائع معاك فى نفس الوقت اقول للراجل بطل بقى وخلى عندك دم واتقى الله فى زوجتك وبيتك وطفلتك ربنا سبحانه وتعالى رزقك بنت وقتح عليك احمد الله على هذة النعمة لان فى غيرك مش عارف ينجب طفل او بينجب طفل مشوه اللهم احفظنا جميعا يارب احتضن زوجتك واعتذر ليها وحافظ على بيتك لان الواضح ان زوجتك تريدك وتريد اسرتها او مملكتها خاف الله اتمنى لكم حياة سعيدة دايما واتمنى ان محدش من العائلة يتدخل فى حل مشاكلكم انتم قادرون على مواجهتها بكل هدوء وتكبير الدماغ لانعطى للامور اكبر من حجمها وفقكم الله لما يحبه ويرضاه تحياتى وشكرا ليك اسراء على المجهود الرائع جدا

ربنــــــــــــــا يخليك يارب يااستاتذ محمد ع كلامك الجميل دة
لاء والواضح كمان ان الزوجة بتتقى الله فيه
ومتقربه من ربنا
ودى برده نعمة المفروض يحافظ عليها
وانا بجد اتمنى ان جوزها يكون شايف الكلام دة معاها
يمكن الكلام دة يأثر فيه
شكرا استاذ محمد

careless.whisper · #19 (**permalink**) 13-02-2012, 09:16 PM


	المشاركة الأصلية كتبت بواسطة متواجدة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	راي في القصه هي حلوة جدا بصراحه الراجل براي هو الغلطان لان المراة دائما قلبها دليلها بس المراة هي اللي بيدها الحل لانها دايما الطرف الاقوي اولا ان محدش يعرف بهذا الموضوع غيرها لان تدخل الاهل بيزود المشكله مش بيحلها ثانيا لو تركت الوضع علي حاله مش هيتغير والا كان اتغير من زمان ثالثا خروج كل واحد فيكم لوحده مش هو الحل لانه كلما خرج لوحده هتشتعل النار في قلب الزوجه من الغيرة واول ما يرجع هو هي هتبداء في افتعال خلاف حتي لو مكنتش تقصد طيب اية الحل انا هتكلم من وجهة نظري اولا مفيش زوجه في الدنيا الا وهي تعرف مفاتيح قلب زوجها تعرف اية اللي يبسطة واية اللي يزعله فاحسن شي انها تعلب في الاشياء اللي يحبها وتعتمد عليها في تلطيف الجو بينهم ثانيا تحسسه بعدم المبالاة من طرفها وانها صدقت ولو الي حد ما انه ساب العاده السيئة دي ثالثا تبداء تغير في شكلها وطريقه تصرفها وتشعل الغيرة في قلبة عشان يفضل يفكر فيها علطول بس لازم تثير غيرتة مش تشعل نار الشك فيها يعني ممكن تهتم بشكلها زياااااااااااده بدون ما تفضل تساله عن راية وتحاول تعمل علاقات كويسه مع الناس وتخرج من مود البيت والولاد بشكل جزئي لازم تعزز ثقتها بنفسها وبجمالها لانها لو مكنتش حلوة في نظرة مكنش اتزوجها من البداية والاهم من ده وده انها تكون متاكده ان وزجها بيحبها هي وبس والا مكنش اعتذر لها لانه مش كل الرجال بتعتذر ودي صفه كويسة فية

اولا انا مبسوطة جدا انك منورانى
ثانيا اكيد هى برده بتشوف رئيك
وهتحاول تاخد بالانسب والاصلح ليها
الف شكر ليكى ياحبيبتى
نورتينى

محمد رجائى الفره · #20 (**permalink**) 15-02-2012, 01:46 PM

ياريت اسراء تشوفى ردها على الردود لو عندها اى شىء تانى عشان نجهز المشكلة التالتة باذن الله

والف شكر للجميع وبارك الله فيكم يارب وربنا مايحرمنى منكم ابدا يارب

تحياتى

للمزيد من مواضيعي