خاص : ايهاب المصري يقترب من ارتداء الفانلة الحمراء .. والصفقة تنتهي في الأيام القليلة المقبلة

اهلاوى ابن النيل · #1 (**permalink**) 01-05-2009, 06:43 AM

اقترب النادي الأهلي من اتمام التعاقد بشكل رسمي مع اللاعب ايهاب المصري مهاجم الفريق الأول لكرة القدم بنادي المقاولون العرب وذلك بدءً من الموسم المقبل لينضم لصفوف القلعة الحمراء.
وقد علم El-Ahly.com أن المفاوضات بدأت منذ فترة ليست بالقليلة وتولاها الكابتن عدلي القيعي مدير لجنة التسويق والاستثمار بالنادي الأهلي حيث دخل في مفاوضات مباشرة مع اللاعب وناديه لإتمام التعاقد بشكل شرعي حيث يمتد عقد اللاعب مع ناديه لثلاثة مواسم قادمة.
ولا يوجد حتى الأن ما قد يعرقل إتمام الصفقة خاصة مع رغبة اللاعب في ارتداء الفانلة الحمراء واتفاق الطرفان على كافة بنود التعاقد وإن كان من المتوقع أن يتم الإعلان عن الصفقة في وقت لاحق عقب انتهاء ارتباطات الفريقين في بطولة الدوري.
ويبلغ ايهاب المصري من العمر 24 عاماً وهو ما ناشئي نادي المقاولون العرب ويحمل القميص رقم عشرة وسجل مع فريقه هذا الموسم عشرة أهداف بفارق هدفين عن بابا أركو لاعب طلائع الجيش هداف المسابقة بالإضافة لثلاثة أهداف في كأس مصر رغم خروج فريقه من دور الـ16 للمسابقة.
الجدير بالذكر أن نادي المقاولون العرب اشتهر منذ بداية تواجده في الساحة الكروية بتألق ناشئيه وهو ما دفع النادي الأهلي للتعاقد مع عدد من لاعبيه أبرزهم سمير كمونة وأحمد نخلة ورامي عادل.

ناصرية · #2 (**permalink**) 01-05-2009, 07:03 AM

مهاجم تانى!!!!!

كل دول هيروحوا فين وهيلعبوا ازاى

اهلاوى ابن النيل · #3 (**permalink**) 01-05-2009, 07:10 AM

شكرا اختى ناصريه
اكيد الاداره الفنيه عامله حسابها
وبعدين مش شرط ان مهاجم ياجى الاهلى يستمر او يكون موفق
ده بترجع للظروف الكتيره
نتمنا له التوفيق
ويكون مشروع مهاجم جيد ان شاء الله

سامي 2211 · #4 (**permalink**) 01-05-2009, 07:41 AM

هو مهاجم كويس بس هنستغني عن مين

basem007 · #5 (**permalink**) 01-05-2009, 05:10 PM

الأهلى على كدة ممكن يلعب ب10 مهاجمين و حارس

اهلاوى ابن النيل · #6 (**permalink**) 01-05-2009, 06:42 PM

شكرا اخوى سامى
انا صراحه معرفش هيستغنوا عن مين
بس على ماسمعت ان لجنه الكورة قد قررت الاستغناء عن خمس لاعبين
شخصيا اعتقد خروج 2 مهاجمين مع المستبعدين

لا داعى لذكرهم الان بعيدا عن التكهنات

اهلاوى ابن النيل · #7 (**permalink**) 01-05-2009, 06:43 PM


	المشاركة الأصلية كتبت بواسطة basem007 [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	الأهلى على كدة ممكن يلعب ب10 مهاجمين و حارس

وماله
الاهلى فريق بطولات والمفروض يبقى فريقه كله مهاجمين ومدافعين فى نفس الوقت
يعنى روح الفوز موجوده عند الجميع
من الدفاع للهجوم
شكرا لمرورك

mohamed ronaldo · #8 (**permalink**) 01-05-2009, 10:22 PM

تعال واقعد جانب اخوتك على الدكه يا ناس حرام عايزين لاعبه فى الدفاع

كفايه مهاجمين بقا هنعمل ايه بكل المهاجمين دول ما انت عندك

هانى العجيزى واحمدحسن واسامه حسنى وبلال وفيلافيو وراجع متعب

الدفاع خرباااااااان عايزين مدافعين

روعة الاحساس · #9 (**permalink**) 01-05-2009, 10:33 PM

تنور يا قمر كدا بقى هنلعب 10 هجوم ورمزى صالح واقف كمان
وعلى فكرة الاهلى مش محتاج دفاع خلاص لاننا عندنا كدا دفاع كتير يعنى ا لاهلى اتعاقد مع عطية البلقاسى مدافع الاوليمبى ..بجانب استقرار لدنة الكرة على عودة مصطفى شبيطة وعبد الله فاروق المعارين وكلاهما مدافعين وبالتأكيد هيرجع رامى عادل لو احتاجه الاهلى ... يعنى اعتقد لما يبقى عندك شادى ووائل واحمد السيد وسمير وشبيطة وعبد الله فاروق والبلقاسى ....بجانب رامى عادل يعنى 8 مدافعين

البرنسيسه · #10 (**permalink**) 01-05-2009, 10:40 PM

تنور الاهلى ياايهاب

مهاجم جامد جدا

Mody_2005 · #11 (**permalink**) 01-05-2009, 11:54 PM

:winner_first_h4h_alربنا يوفقه معانا ...... بس ده أكيد ولا أشاعات

Mody_2005 · #12 (**permalink**) 01-05-2009, 11:58 PM

ربنا يوفقه

اهلاوى ابن النيل · #13 (**permalink**) 02-05-2009, 06:57 AM


	المشاركة الأصلية كتبت بواسطة mohamed ronaldo [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	تعال واقعد جانب اخوتك على الدكه يا ناس حرام عايزين لاعبه فى الدفاع كفايه مهاجمين بقا هنعمل ايه بكل المهاجمين دول ما انت عندك هانى العجيزى واحمدحسن واسامه حسنى وبلال وفيلافيو وراجع متعب الدفاع خرباااااااان عايزين مدافعين

الجهاز الفنى ادرى بالحاله
واديك شايف جابوا العجيزى منفعش
دروجبا منفعش
اسماه حسنى بعيد عن مستواه
لزمن يكون فى احتياطى على نفس قوه فلافيو ومتعب قبل ميمشى
شاكر مرورك

اهلاوى ابن النيل · #14 (**permalink**) 02-05-2009, 06:58 AM


	المشاركة الأصلية كتبت بواسطة اهلاوية الى الابد [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	تنور يا قمر كدا بقى هنلعب 10 هجوم ورمزى صالح واقف كمان وعلى فكرة الاهلى مش محتاج دفاع خلاص لاننا عندنا كدا دفاع كتير يعنى ا لاهلى اتعاقد مع عطية البلقاسى مدافع الاوليمبى ..بجانب استقرار لدنة الكرة على عودة مصطفى شبيطة وعبد الله فاروق المعارين وكلاهما مدافعين وبالتأكيد هيرجع رامى عادل لو احتاجه الاهلى ... يعنى اعتقد لما يبقى عندك شادى ووائل واحمد السيد وسمير وشبيطة وعبد الله فاروق والبلقاسى ....بجانب رامى عادل يعنى 8 مدافعين

برافو
على المتابعه

شكرا لاهتمامك

اهلاوى ابن النيل · #15 (**permalink**) 02-05-2009, 06:59 AM


	المشاركة الأصلية كتبت بواسطة البرنسيسه [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	تنور الاهلى ياايهاب مهاجم جامد جدا

اكيد ينور
بس ينور باهدافه

شاكر مرورك

اهلاوى ابن النيل · #16 (**permalink**) 02-05-2009, 07:00 AM


	المشاركة الأصلية كتبت بواسطة Mody_2005 [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	:winner_first_h4h_alربنا يوفقه معانا ...... بس ده أكيد ولا أشاعات

تسلم اخوى بيقولوا تقارير قويه ومصادر

شاكر مرورك

M!dO AhLaWy · #17 (**permalink**) 02-05-2009, 08:17 AM

بصراحه هو لاعب هااااااااااااااااايل

وان شاء الله يجى الاهلى ويوفق ويكون اضافة قويه

وميرسى اوى ع الاخبار الجامده

اهلاوى ابن النيل · #18 (**permalink**) 05-05-2009, 08:53 AM

شكرا للمرور الجميل

ربنا يستر مع القايمه الجديده
وبالذات بعد ما اتحاد الكوره خالها 25 لاعب بس

الدكر · #19 (**permalink**) 05-05-2009, 08:58 AM

بالتوفيق للنادى الاهلى[عزيزي الزائر يتوجب عليك التسجيل لمشاهدة الرابط للتسجيل اضغط هنا]

anahlawy · #20 (**permalink**) 05-05-2009, 02:49 PM

اكيد ليه مكان يا جماعه بس مش في الملعب على الدكه زي الي قبليه / هاني العجيزي و احمد حسن ( ديروجبا) وحسين على ..الخ........

للمزيد من مواضيعي