عاجل و حصريا// اتحاد الكرة يدعو برشلونة للقاء المنتخب فى مهرجان تكريم حسام و ابراهيم حسن

mando2010 · #1 (**permalink**) 28-04-2007, 07:22 PM

شوبير : بص يا حسام يا اخويا ... النجاح هو انك تخلى الناس كلها تفكيرها انك بتفكر فى الوصول لشئ و بعديت تكون المفاجئة انك توصل لشئ ابعد من تصورهم
زاهر : ما حدش فاهمك غيرى يا شوشو
شوبير : لو انت فهمتنى انتحر احسن
ابراهيم حسن : الناس كلها اللى بيقول انك عاوز توصل لكرسى الاهلى و اللى بيقول وزارة
حسام : كرسى الاهلى محجوز عشانى هو يعنى صالح سليم اللى مات ده كان جاب بطولات اكتر منى
شوبير : كرسى اهلى ايه و وزارة ايه ... انا طمعان فى غير كده خالص
زاهر و هو يمسك كرسيه كأنه حيضيع منه : امال طمعان فى ايه يا شوشو
شوبير ينظر فى الصورة المعلقة على الحائط و فيها صورة الرئيس و هو يبتسم ... و انفجر الاربعة فى ضحك هستيرى
حسام : اهو كده اطمئنيت على مستقبلى
زاهر : و انا اطمئنيت على الحاضر
ابراهبم حسن : اوعى تكون بتفكر فى كرسى الاهلى صحيح يا حسحس
حسام : ما انا لسة قايل بعنى ما افكرش ليه دا انا جيب ييجى 40 بطولة للاهلى
شوبير : هو انتو حتكذبوا الكذبة و تصدقوها يا جماعة ... بطولاتكم ما تجيش عشرين
حسام : انا و ابراهيم يبقى العدد الضعف ... هو يعنى حد بياخد باله
شوبير : لا يا حسام ... من هنا و رايح لازم تاخد بالك و تعرف ان الناس بدأت تاخد بالها ... خصوصا من يوم الموقع الزفت ده بتاع منتدى الكورة المصرية اللى نازلين تقطيع فى لحمنا
حسام : انا بدأت خطة فى المنتدى ده
ابراهيم : بدأت خطة من ورايا ... عملت ايه احسن تودينا فى داهية

شوبير : انا عارف انت عملت ايه يا حسام ... انا باتابع المنتدى ده كل ساعة و باشوف المواضيع اللى بتنزل فيه ... و اول ما شوفت الموضوع بتاع

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
عرفت انك بدأت تلعبها صح ... لازم فعلا يكون لنا لوبى جوه الاماكن دى لان تأثيرها بدأ يكون له وجود

زاهر :؛ المشكلة معاك يا حسام انت و ابراهيم ان جماهير الاهلى ما بتحبكوش فعلا يعنى ازاى ممكن تاخد كرسى الاهلى
حسام : هو يعنى عيلة سليم كانت احسن من عيلة حسن فى ايه ... و صالح مسك الرئيس و طارق مسك المدير ... خلاص : حسام يبقى الرئيس و ابراهيم يبقى الرئيس ... و اهو ابراهيم اخويا بيتدرب على وظيفة المدير فى المصرى عشان ما حدش يقول ما عندوش خبرة يعنى و اللا حاجة
شوبير : خطوتك دى كانت تنفع بس لو يتعمل مهرجان اعتزال محترم و نرجع لك الشعبية من تانى
زاهر : الشعبية حترجع تانى ازاى دى شرف البنت الا بقه لو عملتوا لها عملية ترقيع
شوبير : و مين قال اننا ما بنرقعش دلوقت ... حسام من يوم ما سمع كلامى و هو دلوقت الناس على الاقل بدأت تتعاطف معاه شوية ... اهو فيه اللى بيقول انه ندمان على ترك الاهلى و فيه اللى بيقول حرام كفاية عليه بهدلة كده ... نصيحتى لحسام انه يتمسكن لحد ما يتمكن بدأت تجيب نتيجة
ابراهيم : يعنى بعد تاريخنا ده و ما يتعملناش مهرجان اعتزال او تكريم
شوبير : ما تزعلش يا هيمة يا حبيبى ... انا دلوقت جاتنى فكرة جهنمية
زاهر : اكيد افكارك لازم تكون من آخرتك ( ههههههههههههههههههههههههه ههههه )
مرة تانية ينفجروا فى الضحك
حسام : الحقنى يا شوشو بفكرتك
شوبير : الاهلى و الزمالك طبعا مستحيل يعملوا لكم المهرجان ... و المهرجان بعيد عن الاهلى او الزمالك ما ينفعش ... ايه رأيكم ان اتحاد الكورة بيتنا كلنا هو اللى يكرم حسام و ابراهيم
زاهر : ازاى
شوبير : نعمل مباراة بين المنتخب المصرى و اى فريق او منتخب عالمى فى مهرجان تكريم حسحس و هيمة
حسام يجرى على راس شوبير : راسك ابوثها
ابراهيم : و يا سلام لو نجيب برشلونة فى المباراة دى .. دى تبقى ضربة معلم صح
زاهر : ما هى الناس كلها حتقول لك المال العام و المال اللى غرق و الكلام اللى كنا بنسربه احنا من تحت الترابيزة عشان احتفالات الاهلى تبوز و تنقلب الطاولة علينا
شوبير : احنا نجيب برشلونة فعلا و ما حدش حيتكلم لان الناس اللى اتكلمت عن الاهلى و انتقدته فى انه يجيب برشلونة ناس تبعنا و الناس اللى تبع الاهلى ما حدش منهم يقدر يتكلم لان الاهلى نفسه جاب برشلونة
حسام : و النبى انت داهية
ابراهيم : طيب ما هو الجماهير بتاعة الاهلى مش حتحضر المهرجان بتاعنا حتى لو جبنا برشلونة
شوبير : و هى يعنى جماهير الاهلى كانت حضرت مباراته مع برشلونة

حسام : مش فاهم
شوبير : احسن
..........................................

Se3dâ · #2 (**permalink**) 28-04-2007, 08:20 PM

موضوع لذيذ فعلا

وفعلا الرباعي ده من اكثر الناس حقدا وطمعا على النادي الاهلي

mando2010 · #3 (**permalink**) 28-04-2007, 08:57 PM

فعلا يا مصطفي عندك حق والايام القادمة تسبت كلامك

شكرا لمرورك

عاشق الصمت · #4 (**permalink**) 29-04-2007, 09:55 PM

مشكوووووووووووووووووووووو وووور

أنورشبير · #5 (**permalink**) 01-05-2007, 07:53 AM

بسم الله الرحمن الرحيم
اتمنى ان يكون مهرجان اعتزال حسام وابراهيم حسن ان يكون بين الاهلى والزمالك

mody se3da · #6 (**permalink**) 02-05-2007, 08:31 AM

ايه منتدى الكوره المصريه ده

ابوتريكة22 · #7 (**permalink**) 06-05-2007, 09:21 PM


	المشاركة الأصلية كتبت بواسطة Se3dâ [عزيزي الزائر يتوجب عليك التسجيل لمشاهدة الرابط للتسجيل اضغط هنا]