اخيرا اقاله مجلس زاهر بقرار من الجنزوري

وليد عامر · #1 (**permalink**) 02-02-2012, 01:53 PM

قرر الدكتور كمال الجنزوري رئيس وزراء مصر إقالة مجلس إدارة اتحاد الكرة برئاسة سمير زاهر بعد الأحداث التى وقعت أمس في بورسعيد.

وألقى رئيس الوزراء بيانا في مجلس الشعب اليوم أعلن خلاله العديد من القرارات، والتى أتى على رأسها قبول استقالة محافظ بورسعيد، وإقالة مدير الامن، بالغضافة إلى إقالة مجلس إدارة اتحاد الكرة بالكامل والتحقيق معه.

وشدد الدكتور كمال الجنزوري على أنه يتحمل كامل مسؤولياته تجاه حماية الوطن، ولذا اتخذ هذه القرارات.

وليد عامر · #2 (**permalink**) 02-02-2012, 01:58 PM

كان الاجدر بهم ان يتقدموا باستقالتهم من تقلاء انفسهم
ولكن زاهر يصر ان يبقي حتي النهايه فاسد
يثبت يوما بعد يوم انه اسوا منن تولي اداره الكره في مصر بما وصلت اليه من مذابح اراه شريك فيها بشكل مباشر وغير مباشر
حسبنا الله ونعم الوكيل

وان شاء الله تحول للتحقيق ان وعصابتك لتظهر خفايا فسادك وخيانتك

careless.whisper · #3 (**permalink**) 02-02-2012, 02:34 PM

هم يعنى هم السبب ف المصايب دى؟؟؟ ولاايه

حسبنا الله ونعم الوكيييييييييييييييل

وليد عامر · #4 (**permalink**) 03-02-2012, 05:09 AM


	المشاركة الأصلية كتبت بواسطة careless.whisper [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هم يعنى هم السبب ف المصايب دى؟؟؟ ولاايه حسبنا الله ونعم الوكيييييييييييييييل

مش بالتحديد يا اسراء
بس قرارات زاهر الهزيله وتجاهله لاقتحام جماهير الاسماعيلي وانبوبه بتاع الزمالك للملعب الاسبوع الي فات شجع علي الهمجيه

وما ننساش ان زاهر من اشد اصدقاء علاء وجمال
وما ننساش ان زاهر احد المتورطين في بلاوي كتير مع النظام السابق وبعده

يعني لو الحال استقر اكيد هيشرف علي طره

وماننساش ان ازمه مباراه مصر والجزائر في مصر وفي السودان كانت سيناريوا محكم لزاهر وعلاء وجمال

الموضوع كبير والمفسدين اكثر
فلول وعسكري وشرطه وجماهير متعصبه وخونه يريدون حرق مصر
تجمعوا كلهم علي هدف واحد
نشر البلطجه والغوغائيه في الشارع المصري
وللاسف الضحيه شباب طاهر نقي من جماهير الاهلي

ahlawea mooot · #5 (**permalink**) 03-02-2012, 05:24 AM

بعد ايه بعد ماخريبت ماخلاص هو فى كارثه ممكن تتعمل بعد اللى حصل

بس الله يكرمك يا استاذ وليد كفيان بقى نرمى بلاوينا على بعض
كفايه بقى هنبقى ايد واحده امتى مش ناوين نقوق بقى كفيانا ياناس حرام عليكم
البلد بضيع واحنا كمان بنضيه كفايه بقى كفايه حراااااام

وليد عامر · #6 (**permalink**) 03-02-2012, 02:53 PM


	المشاركة الأصلية كتبت بواسطة ahlawea mooot [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	بعد ايه بعد ماخريبت ماخلاص هو فى كارثه ممكن تتعمل بعد اللى حصل بس الله يكرمك يا استاذ وليد كفيان بقى نرمى بلاوينا على بعض كفايه بقى هنبقى ايد واحده امتى مش ناوين نقوق بقى كفيانا ياناس حرام عليكم البلد بضيع واحنا كمان بنضيه كفايه بقى كفايه حراااااام

فعلا لازم نبقي ايد واحده يا سمر
بس يا تري ممكن نحط اينا في ايد قاتل ونقول عشان الامور تعدي
الفتنه شغاله ومش هيقدر يوقفها غير الي بايده اتخاذ القرار
هو الي قادر يمسك الجاني ويدل علي الطرف الي بيعمل ده
ولا ايه يا سمر

كفايه
فعلا كفايه
نسلم البلد للبلطجيه ونقعد في بيوتنا لغايه ما يوصل علينا الدور

بقالنا سنه بيتكرر ده كل شهر مره وحتي اللحظه دي الفاعل مجهول
لحد امتي هيفضل مجهول
ولحد امتي هنفضل كده

لو في رد علي ده
بجد انا اول واحد هقول كفايه

محمد رجائى الفره · #7 (**permalink**) 03-02-2012, 05:01 PM

قرار جرىء جدا من الجنزورى لكن عواقبه كبيرة لو متحلش بالطرق السلمية مع الفيفا
لان قرارات الفيفا معروفه وهى عدم تدخل الوزارة او الحكومة فى اتحادات كرة القدم
وزى ما اتعمل فى دولة الكويت اتحرمت من اى مشاركات دولية وده ممكن يتعمل واكيد القرار ده حيتاخد ضد مصر
لان الصهاينة مش حيسكتوا نهائى لما يقضوا على مصر تماما فالحرب مستمرة ونحن لسنا فى سلام لانه سلام وهمى
اما زاهر كان اشرف ليه ولمجلسه الفاشل فى ادارة اللعبة ان يستقيل على اثر ما حدث فى بور سعيد بكل نخوة لكى يرضى ضميره
على ارواح شهدائنا الابرار ولكنه للاسف لم يفعل فاشل ومتكبر
واخيرا يقول الاتحاد ليس له اى علاقة من الناحية الامنية
واقول له نعم انت صح لكنك انت فشلت فى تامين المباراة والاستعداد لها جيدا ومتابعتها مع مراقب المباراة انت ولجنة المسابقات
وانت تعرف جيدا ان البلد تمر بظروف صعبة للغاية اين دورك كرئيس اتحاد لكرة القدم
ولكن نحن للاسف لانعرف خطأنا الا عندما يحدث وهذا فشل ادارى بحت لك ولجهازك الموقر جداا

اما رئيس لجنة الحكام لم يشاهد المباراة على اى قناة وراى ماحدث من ارهاب داخل الملعب واثناء المباراة وبين الشوطين
لايوجد موبايل مع المراقب مع الحكام للاتصال بهم وان تامرهم بوقف المباراة
هل خايف على رصيدك يخلص ام انك غير متابع لمباراة مهمة مثل هذة على مدى تاريخ مباريات الاهلى والمصرى وتحصل هذة المشاكل هناك وليس للاهلى فقط بل لجميع الاندية فلابد انك تكون متابع لعملك الذى كلفت به
وهذا اهمال متعمد منك ومن رئيس لجنة الحكام ومن كبيركم الذى علمكم السحر والشعوذة
واخيرا مجموع الفاشلين = اتحاد فاشل مع مرتبة الفشل
النتيجة ارواح زهرة شباب مصر لايقل عن 77 شهيد و1000 جريح
مبروك يازاهر انت ورجالك لقد احكمتم القبضة على الاتحاد لااكثر من عشر سنوات
شكرا على فشلكم الرائع والذريع
ولكن لن ولم يفشل الاهلى اضبط واقوى مؤسسة مصرية فى تاريخك الذى عاصرته
تحياتى ليك استاذ وليد وعلى متابعتك الروعة