متابعه حيه لاحداث ما بعد مباراه الاهلي والمصري

وليد عامر · #1 (**permalink**) 01-02-2012, 07:49 PM

قناه الاهلي مازالت تتابع الحدث مباشر

القتلي المؤكدين حتي الان 2
الجرجي اكثر من 50
جماهير المصري تمنع سيارات الاسعاف من دخول الاستاد
الجيش والشرطه لا تواجد لهم نهائي
الاسعافات غير متواجده
ايهاب علي يجري جراحات عاجله داخل غرفه خلع الملابس باقل الامكانات

سمير زاهر بيتفرج اكيد وكل خوفه علي الدوري لا يكتمل عشان السبوبه ما تتقطعش

حسبنا الله ونعم الوكيل
في كل مسئول عما يحدث

امن جيش محافظ جماهير همجيه
مسئولين متقاعصين

وليد عامر · #2 (**permalink**) 01-02-2012, 07:51 PM

نادر السيد يبكي علي الهواء بعد تلقيه خبر غير مؤكد بوصول عدد حالات الوفاه الي 38حاله

وليد عامر · #3 (**permalink**) 01-02-2012, 07:52 PM

نادر يعدل الرقم الي 8 بلا من 38 حاله وفاه
ووزير الداخليه ومدير الامن مش بيردوا علي حد

وليد عامر · #4 (**permalink**) 01-02-2012, 07:53 PM

لاعبي الاهلي
مش هنلعب كوره تاني حتي يعود حق الجماهير المصابه والمقتوله

وليد عامر · #5 (**permalink**) 01-02-2012, 07:55 PM

كرد فعل سريع للاحداث

الغاء مباراه الزمالك والاسماعيلي تضامنا مع الاهلي
والاتحاد يعلق مشاركته في المسابقه لاشعار اخر

وليد عامر · #6 (**permalink**) 01-02-2012, 07:59 PM

احمد شوبير يؤكد وصول عدد القتلي الي 51

حسبنا الله ونهعم الوكيل
بجد مهزله بكل ما تحمل الكلمه من معني
يحاكم عليهم كل من تسبب فيها

امن واتحاد كره ومسؤولين

وليد عامر · #7 (**permalink**) 01-02-2012, 08:22 PM

قناه الجزيره نقلا عن ستاد النيل
وكيل وزاره الصحه ارتفاع عدد والوفيات الي 73

و167 مصاب

وليد عامر · #8 (**permalink**) 01-02-2012, 08:25 PM

اكرامي
اطلب القصاص من بهوات اتحاد الكره

وليد عامر · #9 (**permalink**) 01-02-2012, 08:47 PM

بكل تبجح
زاهر والبناني لقناه الاهلي
سنشكل لجنه لمعرفه الحقيقه

لجنه ايه بئا ارحمونا ربنا ينتقم منكم

الاستقاله خير رد لو عندكم شويه دم

لو سيادتك يا زاهر عاقبت الاسبوع الماضي جماهير الاسماعيلي علي اقتحام الملعب
وانبوبه بتاع الزمالك علي اقتحام الملعب
ما كانش حصل الي خصل

لو الامن خلي عنده جزء من المسئوليه وامن الملعب

ما كانش حصل الي حصل

73 ماتوا ولسه هتشكلوا لجنه
ربنا ينتقم منكم جميعا

وليد عامر · #10 (**permalink**) 01-02-2012, 09:21 PM

كامل ابو علي يستقيل من رئاسه مجلس اداره المصري علي الهواء

والبهوات قاعدين يشكلوا لجنه
حس يا زاهر بئا قبل ما الناس تاخد ثأرها منك في الشارع
هو للدرجادي مفيش دم ولا احساس

حسبنا الله ونعم الوكيل

Sweet Rose · #11 (**permalink**) 01-02-2012, 09:23 PM

والله عندك حق يا استاذ وليد
الوضع مؤسف بكل ما تحمل الكلمه من معنى
حرااااااااااااااااااااااا اااااااااااااااااااااام

حسبى الله ونعم الوكيل

وليد عامر · #12 (**permalink**) 01-02-2012, 09:30 PM

خبر عاجل

نقلا عن قناه الاهلي

اقاله مدير امن بور سعيد ومحافظ بورسعيد

يا ريت الاشكال الضاله الي بتدير الاتحاد تحس علي دمهاوتتقدم باستقالتها
لانهم عارفين ان اقالتهم مش هتنفع لان قوانين الاتحاد الدولي تمنع التدخل الحكومي

حس علي دمك يا زاهر
حسبنا الله ونعم الوكيل
الناس ماتت وانت لسه بتدور علي الكرسي

وليد عامر · #13 (**permalink**) 01-02-2012, 09:48 PM


	المشاركة الأصلية كتبت بواسطة Sweet Rose [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	والله عندك حق يا استاذ وليد الوضع مؤسف بكل ما تحمل الكلمه من معنى حرااااااااااااااااااااااا اااااااااااااااااااااام حسبى الله ونعم الوكيل

للاسف الكل يكتفي بالمشاهده
للاسف الموضوع شبه منظم ومرتب
فريق فائز وبنتيجه مرضيه جدا
ليه يعمل ده

يا تري حد وصله المضمون وراء الاحداث دي

اكيد في طرف عاوز يقول ان الامن مختل في البلاد
ولازم نستني شويتين ثلاثه عشان نحميكم
والي عاوز يغير يتفضل يغيرنا
مش هو كده برضوا

والطرف ده
ممكن يكون مسئول خايف من العقاب لما يسب منصبه
او بلطجي وحرامي خايف يفقد سلطانه لو الامن استقر

او حد خاين ممول من اي حته عشان يخرب مصر

في النهايه ايا كان الطرف ده
في ناس قتلت
وفي سلطه لازم تجيب حق الناس دي ومش صعب نمسك المتسبب
والا تبقي كارثه
ولو مش عارفين يحاسبوا القتله يبئا يسيبوها لحد يعرف يحاسب
وكفايه بئا بجد كفايه

حسبنا الله ونعم الوكيل

careless.whisper · #14 (**permalink**) 01-02-2012, 09:55 PM

والله مش عارفة اعلق اقول ايه

وليد عامر · #15 (**permalink**) 01-02-2012, 10:05 PM

ماتقوليش غير حسبي الله ونعم الوكيل يا اسراء

لسه حالا علي قناه الاهلي
المراسل بيقول
تم القاء بعض مشجعي الاهلي من فوق المدرجات بين الشوطين
والامن كان بيتفرج
ورغم ده المباراه استمرت

دي تعليمات واضحه باستمرار المهزله
بجد في حاجه غلط
ولازم يكون في تحقيق واسع
بعيدا عن الكوره والرياضه

الي بيحصل خطه مدبره لهدم كل ما يدفع مصر للتقدم

وليد عامر · #16 (**permalink**) 01-02-2012, 10:08 PM

لجنه تحقيق من قبل النيابه تتجه لبورسعيد في الوقت الحالي
لتحقيق
والنائب العام يتوجه لبورسعيد للمتابعه

وعدد القتلي يصل 77

يا رب يكون في تحقيق حقيقي وما يكونش شو اعلامي وبس

المسئول عن المهزله دي لازم يتحاسب

وليد عامر · #17 (**permalink**) 01-02-2012, 10:24 PM

الشيخ محمد حسان
هاتفيا علي مودرن

يناشد شعب بورسعيد بالحفاظ علي ارواح مشجعي الاهلي
ويقول ان من يريد لمصر عدم الاستقرار يرقص رقصه الموت الاخيره ويحاول بكل ما اوتي من قوه خلق الفتن
اشاره منه الي اعداء الثوره بانهم هم المتسببين في الاحداث

وطبعا اعداء الثوره كثر
ما بين مسؤول لا يريد مغادره كرسيه
او منتفع لا يريد ان تستقر الحاله الامنيه
او متورط في الماضي لا يريد استقرار كي لا يحاسب